Prau

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Prau que ye una extensión de tierra cobierta de hierba. Ta o grupo de rock en aragonés se veiga Prau.

Un prau en Cantabria.

Un prau (forma que ha sonorizau a consonant xorda intervocalica) prato (forma conservadera con a xorda intervocalica a partir d'o latín <PRATU) u patro (per metatesi consonantica que dimana de «prato») ye una denominación cheneral ta cualsiquier extensión de tierra plana u cantimplano que, perque ye humeda de forma natural u perque se fa de regano, se trobe cobierta de hierba que se gosa aproveitar ta paixentar-ie o bestiar.

Os praus mesofilicos se fan bien en climas humedos y no guaire fridos, en os que no i existan guaire sequeras, en as zonas en dó que a vechetación natural i serba de selvas d'árbols caducifolios u de pinofitas, o suyo desenrollo se guarda en estau subclimax per acción de l'actividat humana (ganadería, siega, etc.).

En l'Alto Aragón, como consecuencia que tradicionalment se i haiga practicau muito a ganadería, existen diferents nombres diferents ta os praus en función d'as suyas carateristicas orograficas, d'higrometría, u d'uso que se'n fa.

Se veiga tamién

Son tipos de praus, u son susceptibles que se'n pueda considerar:

• Estiva.
• Lastra.
• Fener.
• Artica.
• Fitero.
• Landa u lanya.
• Viver.

Temas relacionaus:

• Liena.
• Lera.
• Tartera.
• Glera.
• Lenera.

Vinclos externos

• Se veigan as imáchens de Commons sobre praus.