Espacio Europeu d'Amostranza Superior

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Espacio Europeu d'Amostranza Superior (u EEAS por as suyas siglas en aragonés, en anglés European Higher Education Area u EHEA) ye un ambito d'organización educativo encetau en 1999 con o Proceso de Bolonya que quiere armonizar os distintos sistemas educativos d'a Unión Europea y proporcionar una forma eficaz d'intercambeo entre toz os estudiants, asinas como dotar d'una dimensión y d'una achilidat sin precedents a o proceso de cambeo emprendiu por as universidaz europeas.

S'integran actualment en l'EEAS antiparte d'os 27 países d'a UE atros como Rusia u Turquía, dica plegar a la cifra total de 47 países participantes. Os países que se troban dentro de l'EEES son: Alemanya, Austria, Belchica, Bulgaria, Dinamarca, Eslovaquia, Eslovenia, Espanya, Estonia, Finlandia, Francia, Grecia, Hongría, Irlanda, Islandia, Italia, Letonia, Lituania, Luxemburgo, Malta, Noruega, Países Baixos, Polonia, Portugal, Reino Uniu, Republica Checa, Rumanía, Suecia, Suiza, Croacia, Chipre, Liechtenstein, Turquía, Albania, Andorra, Bosnia y Herzegovina, Rusia, Santa Seu, Serbia, Macedonya d'o Norte, Armenia, Azerbaichán, Cheorchia, Moldavia, Ucraína, Montenegro y Cazaquistán. Ta aconseguir os obchectivos que acaza, se basa en tres pilars fundamentals:

Se fundamenta en o precepto que un credito será equivalent a unas 25 u 30 horas de treballo (dentro y difuera de l'aula).
A educación superior se dividirá en dos ciclos, un grau d'orientación cheneralista y un postgrau d'orientación especialista.
A creyación de sistemas d'acreditación que, cosire a calidat de cada centro formativo y a suya adecuación a os requisitos d'o Espacio Europeu d'Amostranza Superior.

L'EEAS s'ha incorporau a muitos países difuera d'a Unión Europea y s'apunta como o marco d'organización educativa mas important d'os proximos decenios.

O sistema espanyol d'amostranzas universitarias, encara habendo encetau l'adopción de normativas europeas puntuals, carecía, manimenos, de l'adecuau marco legal que, d'un modo global, sustentara con guarencias la reforma universitaria. O 26 d'octubre de 2007 o Consello de Ministros apreba o Real Decreto d'Ordinación d'Amostranzas Universitarias oficials. Os prencipals obchectivos, dreitos y obligacions que replega ista Lei son:

Permitir a las propias universidaz creyar y proposar, d'alcuerdo con as reglas establidas, as amostranzas y titols que haigan d'impartir y expedir, sin subchección a la existencia d'un catalogo previo establiu por o Gubierno, como dica agora yera obligau.
Adoptar una serie de medidas que, amás d'estar compatibles con o Espacio Europeu d'Educación Superior, flexibilizan a organización d'as amostranzas universitarias, promoviendo a diversificación curricular y permitindo que as universidaz aprofiten a suya capacidat d'innovación, as suyas fortalezas y oportunidatz.
Empentar un cambeo en as metodolochías docents, que centra l'obchectivo en o proceso d'aprendizache d'o estudiant, en un contexto que s'extiende agora a lo largo d'a suya vida.
En o supuesto de titols que habiliten ta l'acceso u exercicio d'actividaz profesionals, o Gubierno establirá as condicions a las cuals habrán d'adecuar-se os plans de estudios ta guarenciar que os titols acreditan a posesión d'as competencias y conoixencias adecuaus ta dito exercicio profesional.
Se fomenta a mobilidat d'os estudiants, tanto dentro d'Europa, como con atras partes d'o mundo, y sobre tot a mobilidat entre as distintas universidaz espanyolas y dentro d'una mesma universidat por meyo d'un sistema de reconoixencia y acumulación de creditos, en o cual os creditos cursados en unatra universidat serán reconoixius y incorporaus a o expediente d'o estudiant.